Previous Next

ማስታወቂያ

የተለቀቀበት ቀን: 17/05/2018 ዓ.ም

የባለአክሲዮኖች 2ኛ መደበኛ እና 2ኛ አስቸኳይ ጠቅላላ ጉባዔ የስብሰባ ጥሪ የተከበራችሁ የማኅበሩ ባለአክሲዮኖች

በኢ.ፌ.ዲ.ሪ ንግድ ሕግ እንቀጽ 366(1)፤ 367 (1) እና 370 እንዲሁም በማኅበሩ የመመስረቻ ጹሑፍ አንቀጽ 18.1 መሠረት የመባዕ ማይክሮ ፋይናንስ ተቋም አ.ማ የባለአክሲዮኖች 2ኛ መደበኛ እና 2ኛ አስቸኳይ ጠቅላላ ጉባኤውን ታኅሣሥ 11 ቀን 2018 ዓ∙ም ከጠዋቱ 2፡30 ጀምሮ በአዲስ አበባ ከተማ ራስ አምባ ሆቴል ስለሚካሄድ የአክስዮን ማኀበሩ ባለአክሲዮኖች ወይንም ሕጋዊ ወኪሎቻቸው በተጠቀሰው ቀን፣ ሰዓትና ቦታ በስብሰባው ላይ እንድትገኙ የአክስዮን ማኅበሩ የዳይሬክተሮች ቦርድ ጥሪውን ያስተላልፋል::

1. ስለማህበሩ ዋና ዋና መረጃዎች

የአክሲዮን ማኅበሩ ስም:- መባዕ ማይክሮ ፋይናንስ ተቋም አ.ማ
1. የአክሲዮን ማኅበሩ ዋና መሥርያ ቤት አድራሻ፦ አራት ኪሎ ቅድስት ሥላሴ ዩኒቨርሲቲ ሕንጻ 2ኛ ወለል ቢሮ ቁጥር 213
2. የአክሲዮን ማኅበሩ ድረ-ገጽ፦ https://mebamfi.com.et/
3. የአክሲዮን ማኅበሩ የንግድ ምዝገባ ቁጥሩ:- MFI/067/2024
4. የአክሲዮን ማኅበሩ ዓይነት፦ በአነስተኛ የፋይናንስ ሥራ ላይ የተሰማራ፤
5. የአክሲዮን ማኅበሩ የተፈረመ ዋና ገንዘብ ብር:- 17,194,000
6. የአክሲዮን ማኅበሩ የተከፈለ ዋና ገንዘብ :-17,194,000

2∙ የባለአክስዮኖች ሁለተኛ መደበኛ ጠቅላላ ጉባኤ አጀንዳዎች

1. የጉባኤውን አጀንዳዎች ማጽደቅ፣
2. የዳሬይክተሮች ቦርድ የእ.ኤ.አ 2024/25 ሒሳብ ዓመት ዓመታዊ ሪፖርት ማዳመጥና ተወያይቶ ማጽደቅ፣
3. የውጭ ኦዲተር የእ.ኤ.አ የ2024/25 ሒሳብ ዓመት ዓመታዊ ሂሳብ ሪፖርት ማድመጥና ተወያይቶ ማጽደቅ፣
4. የዳሬይክተሮች ቦርድ አባላት እ.ኤ.አ የ2026/27 አበልን መወሰን፣
5. እ.ኤ.አ የ2025/26 ሒሳብ ዓመት የውጭ ኦዲተር መሾም እና የሥራ ዋጋ ክፍያ ማጽደቅ፣
6. ረቂቅ የዳይሬክተሮች ቦርድ አባላት የምልመላ መስፈርትና እና የምርጫ አሠራር መመሪያን ተወያይቶ ማጽደቅ፤
7. የዳይሬክተሮች ቦርድ አባላት ጥቆማ እና ምርጫ ኮሚቴ አባላትን መምረጥ፤
8. የዳይሬክተሮች ቦርድ አባላትን ምርጫ ማከናወን፤
9. የጉባኤውን ቃለ ጉባኤ ማጽደቅ፣

.የ2ኛ አስቸኳይ ጠቅላላ ገባኤ አጀንዳዎች

1. የጉባኤውን አጀንዳዎች ማጽደቅ፣
2. የተቋሙን መመስረቻ ጽሑፍ ማሻሻልና፣
3. የጉባኤውን ቃለ ጉባኤ ማጽደቅ፣

ማሳሰቢያ፦

1. •ባለአክሲዮኖች በጉባኤው ላይ በአካል መገኘት የማይችሉ ከሆነ በንግድ ሕግ አንቀጽ 377 መሠረት ጉባዔው ከመጀመሩ ከሦስት ቀን በፊት በሰነዶች ማረጋገጫና ምዝገባ አገልግሎት የተረጋገጠ የውክልና ሥልጣን ማስረጃ ማቅረብ ወይም አራት ኪሎ ቅድስት ሥላሴ ዩኒቨርሲቲ ሕንጻ 2ኛ ወለል ቢሮ ቁጥር 213 የማኅበሩ አክሲዮን ክፍል ወይም በማይክሮ ፋይናንሱ ቅርንጫፎች በአካል በመቅረብ የውክልና ቅፅ መሙላት የሚችሉ መሆኑን በአክብሮት እናሳውቃለን፡፡
2. •አንድ ባለአክሲዮን በማኅበሩ ጠቅላላ ጉባኤ ላይ በማንኛውም ችሎታ መወከል የሚችለዉ አንድ ሰዉ ብቻ ነው፡፡
3. •በአካል በጉባኤው የምትገኙ ባለአክሲዮኖች ማንነታችሁን የሚገልጽ የታደሰ መታወቂያ ወይም ፓስፖርት ዋናውን እና ፎቶ ኮፒ እንዲሁም ብሔራዊ መታወቂያ ማቅረብ ይጠበቅባችኋል፡፡ ባለአክሲዮኖችን በመውከል በስብሰባው ላይ የምትሳተፉ ተወካዮችም የወካያችሁን እና የእናንተን ማንነት የሚገልጽ የታደሰ መታወቂያ ወይም ፓስፖርት እና የውክልና ሰነዱን ዋናውን እና ፎቶ ኮፒ ይዛችሁ እንድትቀርቡ በአክብሮት እናሳስባለን፡፡

የመባዕ ማይክሮ ፋይናንስ አ.ማ ዳይሬክተሮች ቦርድ

ማስታወቂያ

የተለቀቀበት ቀን: 02/04/2017 ዓ.ም

የባለአክሲዮኖች 1ኛ መደበኛ ጠቅላላ ጉባኤ እና 1ኛ አስቸኳይ ጠቅላላ ጉበኤ ጥሪ

መባዕ ማይክሮ ፋይናንስ ተቋም አ.ማ በንግድ ሕግ አንቀጽ 366፣ 367፣ 370፣ 371፣ እና 372 መሰረት ታህሳስ 26 ቀን 2017 ዓ.ም በአዲስ አበባ ራስ ሆቴል መሰብሰቢያ አዳራሽ ከጠዋቱ 2፡30 ጀምሮ የባለአክሲዮኖች 1ኛ መደበኛ ጠቅላላ ጉባኤ እና 1ኛ አስቸኳይ ጠቅላላ ጉባኤውን ያካሂዳል፡፡ ስለዚህ ባለአክስዮኖች በተጠቀሰው ቀን፣ ሰአትና ቦታ በመገኘት ተሳታፊ እንድትሆኑ የተቋሙ የዳሬክተሮች ቦርድ በአክብሮት ጥሪውን ያስተላልፋል፡፡

1. ስለማህበሩ ዋና ዋና መረጃዎች

1. የተቋሙ ዋና መስሪያ ቤት አድራሻ አዲስ አበባ፣ አራዳ ክ/ከተማ፣ ወረዳ 9 የቤት ቁጥር አዲስ
2. የአክስዮን ማህበሩ ዓይነት አነስተኛ የፋይናንስ ሥራ ላይ የተሰማራ የአክስዮን ማህበር
3. የንግድ የምዝገባ ቁጥር MT/AA/3/0057318/2016፣
4. የፋይናንስ ሥራ ፍቃድ ቁጥር MFI/067/24፣
5. የተቋሙ የተፈረመ ካፒታል ብር 17,194,000.00
6. የተቋሙ የተከፈለ ካፒታል ብር 11,564,000.00

2. የ1ኛ መደበኛ ጠቅላላ ጉባኤ አጀንዳዎች

1. የጉባኤውን ረቂቅ አጀንዳዎች ማጽደቅ፣
2. አዳዲስ ባለአክስዮኖችን መቀበል፣
3. የተከፈለ ካፒታል ማጽደቅ፣
4. የአክሲዮን ዝውውርን ማጽደቅ፣
5. የዳይሬክተሮች ቦርድ የሥራ ሪፖርት ማድመጥ፣/li>
6. የውጪ ኦዲተር ሪፖርት መስማትና ማጽደቅ፣
7. የውጭ ኦዲተር መሾምና ክፍያቸውን መወሰን፣
8. የጉባኤውን ቃለ ጉባኤ ማጽደቅ፣

3. የ1ኛ አስቸኳይ ጠቅላላ ገባኤ አጀንዳዎች

1. የጉባኤውን ረቂቅ አጀንዳዎች ማጽደቅ፣
2. የተቋሙን መመስረቻ ጽሑፍ ማሻሻልና ማጽደቅ፣
3. የማኅበሩን ዋና ገንዘብ (ካፒታል) ማሳደግ፣
4. የጉባኤውን ቃለ ጉባኤ ማጽደቅ፣

4. ማሳሰቢያ፦

1. በጉባኤው ላይ በአካል የምትገኙ ባለአክሲዮኖም ሆናችሁ ወኪሎች የታደሰ መታወቂያ፣ፓስፖርት ወይም መንጃ ፍቃድ ይዛችሁ እንድትቀርቡ እናሳስባለን፣
2. በጉባኤ ላይ በአካል መገኘት የማትችሉ ባለአክሲዮኖች ይህ ማስታወቂያ ከወጣበት ቀን ጀምሮ እስከ ታኅሳስ 15 ቀን 2017 ዓ.ም ድረስ ብቻ በአዲስ አበባ ከተማ ቅድስት ሥላሴ ሕንጻ 2ኛ ፎቅ ከሚገኘው የተቋሙ ዋና መሥሪያ ቤትና ቅርንጫፍ ቢሮዎች ላይ በመቅረብ የውክልና ቅጽ በመሙላት ወይም በሰነዶች ማረጋገጫና ምዝገባ የተረጋገጠ በጉባኤ ላይ ለመካፈልና ድምጽ ለመስጠት የሚያስችል የውክልና ሥልጣን ማስረጃ ዋናውንና ፎቶ ኮፒ ይዘው በመቅረብ ወይም የሞግዚት ማስረጃ በማቅረብ ጉባኤው ላይ እንዲሳተፉ ከወዲሁ እናሳውቃለን፤

የመባዕ ማይክሮ ፋይናንስ አ.ማ ዳይሬክተሮች ቦርድ

ለበለጠ መረጃ ስልክ ቁጥር፡- 251-11-26-16-57 ወይም 251-929-010-203

አገልግሎቶቻችን

ምርጥ አገልግሎቶች ለሁሉም

ብድር

ቁጠባ

ማማከር

ስልጠና



ብድር

የብድር አገልግሎታችን በልዩ ሁኔታ የሥራ ፈጣሪዎችን፤ ጀማሪ የንግድ ተቋማት እና ሌሎች የብድር አገልግሎት ፈላጊ ደንበኞቻችንን ለመደገፍ እና ትርፋማ ለማድረግ ታስበው የተዘጋጁ ናቸው፡፡ ውስን መስፈርቶችን በማሟላት ብቻ ቀላል እና ቀልጣፋ የብድር አገልግሎታችን የምናስተናግድዎ ይሆናል። የደንበኞቻችንን ፍላጎቶች ለማሟላት ለቀልጣፋ አሠራር እና ተደራሽነት ቅድሚያ መስጠታችን የብድር ሂደቱን ለማቀላጠፍ ይረዳል።

ዝርዝር ይመልከቱ



ቁጠባ

የቁጠባ አገልግሎታችን ለደንበኞቻችን ተወዳዳሪ እና አስደሳች የወለድ ተመኖችን የምናቀርብበት አገልግሎታችን ነው፡፡ ደንበኞቻችን በማንኛውም ሰዓት ገንዘባቸውን ማንቀሳቀስ እንዲችሉ ቀላል፣ ምቹ እና ቀልጣፋ በሆነ መንገድ ባሉበት ቦታ የቁጠባ ተቀማጭ መሰብሰብን ጨምሮ ማንኛውንም የቁጠባ አገልግሎት የምንሰጥ ይሆናል። ይህም የደንበኞቻችንን የቁጠባ እድገት የሚያረጋግጥ፣ ጉልበት ቆጣቢ እና ቀልጣፋ አሠራር ነው።

ዝርዝር ይመልከቱ



ማማከር

የፋይናንስ የማማከር አገልግሎታችን ደንበኞቻችንን ኢንቨስት በሚያደርጉበት ማንኛውም ቢዝነስ ጠንካራ አቋም እንዲኖራቸው፣ የበጀት አስተዳደር፣ በእቅድ የተመራ የቢዝነስ አሠራር እና የፋይናንስ ስትራቴጂ ዝግጅት ላይ ከፍተኛ ግንዛቤ እንዲያገኙ የሚረዳቸው አገልግሎታችን ነው።

ዝርዝር ይመልከቱ



ስልጠና

መባዕ ማይክሮ ፋይናንስ የደንበኞቹን የፋይናንስ እውቀት እና የሥራ ፈጠራ ችሎታቸውን እንዲያሳድጉ የታለሙ የሥልጠናዎችን ይሰጣል። በዚህም እንደ በጀት ዝግጅት፣ የብድር አስተዳደር፣ የንግድ ልማት እና የኢንቨስትመንት ስትራቴጂዎች የመሳሰሉ ጠቃሚ ርዕሶችን ይካትታሉ።

ዝርዝር ይመልከቱ

ደንበኞች ለምን እኛን ይመርጣሉ!

ደንበኞቻችን ለምን እኛን እንደሚመርጡ ጥቂት ምክንያቶች!

ቀልጣፋ አገልግሎት

ደንበኞቻችን የብድር አገልግሎት ለማግኘት ወደ ተቋማችን ሲመጡ በፍጥነት እንዲደርስላቸው ቀልጣፋ የሆነ መስተንግዶ ከተቋማችን ያገኛሉ።

ተደራሽ የሆነ የፋይናንስ መፍትሄ እናቀርባለን

የብድር አገልግሎታችን ለብድር መስፈርት ብቁ ለሆኑ የማኅበረሰብ ክፍሎች ሁሉ አለምንም ልዩነት የምንሰጥ በመሆኑ የምናቀርበውን የፋይናንስ ድጋፍ ለማህበረሰባችን ተደራሽ እና አካታች ያደርገዋል።

የጀማሪ ቢዝነስ ብድር

አዲስ ቢዝነስ ለጀመሩ ግለሰቦች ልዩ የብድር አገልግሎት እንሰጣለን፤ ይህ አገልግሎት ሥራ ፈጣሪዎችን በማበረታታት በሐሳብ ደረጃ የያዙትን የሥራ ክህሎታቸውን ወደ ተግበር ለመቀየር እንዲችሉ የፋይናንስ ችግርን በመቅረፍ አይነተኛ ሚናን ይጫወታል። በአጠቃላይ ደንበኞቻችን በተሰማሩበት ቢዝነስ ውጤታማ እንዲሆኑ ዘላቂ ድጋፍ እና ክትትል ይደረግላቸዋል።

ዜና



መባዕ ማይክሮ ፋይናንስ ተቋም አ.ማ አምስተኛ ቅርንጫፉን ከፈተ

መባዕ ማይክሮ ፋይናንስ ተቋም አ.ማ አምስተኛውን ቅርንጫፍ የተቋሙ ሥራ አመራር አባላት፣ ባለ አክሲዮኖችና ጥሪ የተደረገላችው እንግዶች እና የተቋሙ ሠራተኞች በተገኙበት ዛሬ ጥቅምት 15/2018 ዓ.ም በመክፈት በይፋ ሥራ ጀመረ፡፡

ዝርዝር ይመልከቱ

መባዕ ማይክሮ ፋይናንስ ተቋም አ.ማ አራተኛ ቅርንጫፉን ከፈተ
የመባዕ ማይክሮ ፋይናንስ ተቋም አ.ማ የተቋሙ ቦርድ አባላት፣ ጥሪ የተደረገላችው እንግዶች እና የተቋሙ ሠራተኞች በተገኙበት ዛሬ ነሐሴ 24/2017 ዓ.ም አራተኛ ቅርንጫፉን በመክፈት በይፋ ሥራ ጀምሯል፡፡
ዝርዝር ይመልከቱ

መባዕ ማይክሮ ፋይናንስ ተቋም አ.ማ ሦስተኛ ቅርንጫፉን ከፈተ
የመባዕ ማይክሮ ፋይናንስ ተቋም አ.ማ የተቋሙ ዳሬይክተሮች፣ ጥሪ የተደረገላችው እንግዶች እና የተቋሙ ሠራተኞች በተገኙበት ዛሬ መጋቢት 13/ 2017 ዓ.ም ሦስተኛ ቅርንጫፉን በመክፈት በይፋ ሥራ ጀምሯል፡፡
ዝርዝር ይመልከቱ

መባዕ ማይክሮ ፋይናንስ አ.ማ. የባለአክሲዮኖች ጠቅላላ ጉባኤውን አካሔደ
በቅርቡ ወደ ፋይናንስ ሴክተሩ የተቀላቀለው መባዕ ማይክሮ ፋይናንስ አ.ማ. አንደኛ መደበኛ እና አንደኛ አስቸኳይ የባለአክሲዮኖች ጠቅላላ ጉባኤውን ቅዳሜ፣ ታኅሣሥ 26 ቀን 2017 ዓ.ም. በራስ ዓምባ ሆቴል አካሒዷል፡፡
ዝርዝር ይመልከቱ

መባዕ ማይክሮ ፋይናንስ ተቋም አ.ማ የመጀመሪያ የሆነውን ቅርንጫፍ በመክፈት በይፋ ሥራ ጀመረ፡፡
መባዕ ማይክሮ ፋይናንስ ተቋም አ.ማ የመጀመሪያ የሆነውን ቅድስተ ማርያም ቅርንጫፍ የተቋሙ የዳሬክተሮች ቦርድ አባላት፣ ጥሪ የተደረገላችው እንግዶች እና የተቋሙ ዋና መሥሪያ ቤት ሠራተኞች በተገኙበት ዛሬ ሐምሌ 29/ 2016 ዓ.ም በመክፈት በይፋ ሥራ ጀመረ።
ዝርዝር ይመልከቱ

]
መባዕ ማይክሮ ፋይናንስ በይፋ ሥራ ጀመረ፣
መባዕ ማይክሮ ፋይናንስ ሥራ በመጀመር የፋይናንስ ዘርፉን ተቀላቀለ። ከኢትዮጵያ ብሔራዊ ባንከ ፈቃድ በማግኘት በዛሬው ዕለት ነሐሴ 18 ቀን 2016 ዓ.ም በይፋ ሥራ መጀመሩን አብስሯል።
ዝርዝር ይመልከቱ

መባዕ ማይክሮ ፋይናንስ ተቋም አ.ማ ሁለተኛውን ቅርንጫፍ ከፈተ
መባዕ ማይክሮ ፋይናንስ ተቋም አ.ማ ሁለተኛውን ቅርንጫፍ የተቋሙ ሥራ አመራር አባላት ፣ ጥሪ የተደረገላችው እንግዶች እና የተቋሙ ሠራተኞች በተገኙበት ዛሬ ነሐሴ 25/ 2016 ዓ.ም በመክፈት በይፋ ሥራ ጀመረ።
ዝርዝር ይመልከቱ

 +

1000

ባለአክሲዮኖች

---

    +

9

የቁጠባ አገልግሎት

---

    +

9

የብድር አገልግሎት

---

5

ቅርንጫፎች

---

አጋር ድርጅቶቻችን

አጋር ድርጅቶች



ደሸት ትምህርት እና ስልጠና አ.ማ



ኤስድሮስ ኮንስትራክሽን ፣ ንግድ እና ኢንቨስትመንት አ.ማ



ቅኔ ማማከር አ.ማ



አሐዱ ባንክ አ.ማ



አስካማር ንግድ እና ኢንቨስት ማማከር



ጷግሜን አስጎብኚና የጉዞ ወኪል አ.ማ

ቢሮአችን

ቅድስት ኤልዛቤት 2ተኛ ጎዳና፣ አዲስ አበባ ኢትዮጵያ

+251929010203

mebamfi12@gmail.com

አገልግሎቶቻችን

ብድር ቁጠባ ማማከር ስልጠና

ፈጣን ማስፈንጠሪያዎች

ያግኙን ስለ ድርጅታችን አስተያየት

ማህበራዊ ሚዲያ

ቤተሰብ ይሁኑ

X
© 2024 መባዕ ማይክሮፋይናንስ ተቋም አ.ማ., መብቱ በህግ የተጠበቀ ነው.